Хоол боловсруулах эрхтэн системийн үйл ажиллагаанд нөлөөлөх бэлдмэл. Бэлдмэлийн найрлагад орж буй таван салааны шүүсэнд агуулагдах салслаг бодис, гликозид, аукубин нь ходоод, 12 хуруу гэдэсний шархны эдгэрэлтийг түргэсгэх, ходоодны шүүсний хүчиллэгийг нэмэгдүүлэх, үрэвслийг намдаах үйлдэлтэй. Зөгийн бал нь 7% хүртэл сахар (глюкоз, фруктозын холимог), эфирийн тос, сүү, алим, хурган чих болон шоргоолжны хүчлээс гадна их биш хэмжээгээр диастаза, каталаза фермент, витамин В6, В2, РР, С, К, Е, кальци, натри, магни, төмөр зэрэг бичил элементийг бага хэмжээгээр агуулах бөгөөд нян устгах, нянгийн үржил хөгжлийг зогсоох, бодисын солилцоонд нөлөөлөх, биеийн тамир тэнхээ сэлбэх үйлдэл үзүүлнэ. Ходоодны хүчиллэг багатай цочмог, архаг үрэвсэл, 12 хуруу гэдэсний шархлаа, улайлт, ходоодны архаг үрэвсэл, ходоодны хүчиллэг багатай үрэвслийн үед шархны эдгэрэлтийг түргэсгэх, үрэвслийг намдаах, амьсгалын замын үрэвсэлт өвчин, ханиад томууны үед бие махбодын тамир тэнхээг сайжруулах, өвчин эсэргүүцэх чадварыг дээшлүүлэх зорилгоор тус тус хэрэглэнэ.
Нэг флакон нь 36.5 мл таван салааны шүүс, 52.2 г зөгийн бал агуулна.
Спиртэнд хэт мэдрэг хүмүүс болгоомжтой хэрэглэнэ. Гаж нөлөө тогтоогдоогүй. Жирэмсэн болон хөхүүл хүмүүс, бага насны хүүхдэд хэрэглэхийг хориглоно.
